Anne Hathaway ka ndarë së fundmi një detaj të panjohur nga jeta e saj personale, duke treguar se për rreth një dekadë ka vuajtur nga një problem serioz me shikimin. Aktorja hollivudiane zbuloi se kishte zhvilluar një katarakt të hershëm në syrin e majtë, gjendje që i kishte dëmtuar ndjeshëm shikimin deri në pikën që konsiderohej pothuajse e verbër ligjërisht në atë sy.
Sipas saj, situata u përkeqësua gradualisht ndër vite, derisa vendosi t’i nënshtrohej një operacioni që i riktheu shikimin normal. “Kuptova sa shumë ishte dëmtuar shikimi im vetëm pasi gjithçka u kthye në normalitet dhe nisa të shihja sërish qartë ngjyrat,” është shprehur Hathaway. Katarakti është një gjendje që shkakton turbullim të lentes së syrit dhe shpesh shoqërohet me shikim të paqartë, ndjeshmëri ndaj dritës dhe vështirësi në dallimin e ngjyrave.
Anne Hathaway ka reaguar gjithashtu ndaj spekulimeve të shumta në rrjetet sociale lidhur me një ndërhyrje të mundshme estetike, pas ndryshimeve në paraqitjen e saj që ndezën diskutime online. Aktorja ka mohuar kategorikisht se ka kryer procedura kirurgjikale, duke sqaruar se transformimi në pamjen e saj lidhet vetëm me stilimin profesional të flokëve.
Sipas saj, efekti që shumë fansa interpretuan si “lifting” apo ndërhyrje estetike ishte thjesht rezultat i një teknike të përdorur nga stilisti i saj i flokëve. Në një video të publikuar në Instagram, stilisti Orlando Pita tregoi se dy gërsheta të fshehura pranë tëmthave krijojnë një efekt optik ngritjeje të fytyrës, pa pasur nevojë për kirurgji estetike.
