Presidentja e Komisionit Evropian, Ursula von der Leyen ka përshëndetur progresin e bërë drejt një marrëveshjeje mes Shtetet e Bashkuara dhe Iran, duke theksuar rëndësinë e uljes së tensioneve në rajon dhe rikthimit të lirisë së lundrimit në Ngushtica e Hormuzit.
Në një reagim të publikuar në platformën X, von der Leyen deklaroi se “ne kemi nevojë për një marrëveshje që vërtet e qetëson konfliktin, rihap Ngushticën e Hormuzit dhe garanton liri të plotë dhe të papenguar të lundrimit”.
Ajo shtoi se Evropa do të vijojë bashkëpunimin me partnerët ndërkombëtarë për të shfrytëzuar këtë moment diplomatik dhe për të arritur një zgjidhje të qëndrueshme për krizën.
“Evropa do të vazhdojë të punojë me partnerët ndërkombëtarë për të shfrytëzuar këtë mundësi dhe për të arritur një zgjidhje diplomatike të qëndrueshme. Gjithashtu, për të përmbajtur pasojat e konfliktit, veçanërisht në zinxhirët e furnizimit dhe çmimet e energjisë”, shkroi ajo.
