Kylie Jenner ka rikthyer edhe një herë vëmendjen e rrjeteve sociale, këtë herë vetëm me një koment që u bë menjëherë viral.
Manjatja e industrisë së bukurisë ndezi internetin pasi komentoi me një fjalë të vetme, “daddy” në një video në TikTok ku shfaqej Timothée Chalamet duke mbërritur në Madison Square Garden për ndeshjen e parë të finales së Konferencës Lindore.
Videoja, e publikuar nga “Page Six”, tregonte aktorin duke hyrë në arenë me një stil casual dhe sportiv, i shoqëruar nga sigurimi, ndërsa tifozët e Knicks e përshëndesnin me entuziazëm. Pamja e tij u komentua gjerësisht online, me shumë fansa që e cilësuan si “superfanin më elegant të Knicks”.
Megjithatë, ajo që mori vërtet vëmendjen ishte komenti i Kylie-t në seksionin e reagimeve.
Fjala e vetme “baba” mjaftoi që rrjetet sociale të shpërthenin me komente humoristike, meme dhe reagime nga fansat, duke e kthyer momentin në një tjetër episod viral të çiftit më të komentuar të showbiz-it.
Edhe pse në fillim të lidhjes së tyre ata tregoheshin tepër të rezervuar, Kylie dhe Timothée tashmë duket se po e jetojnë romancën më hapur se kurrë. Dyshja janë parë së bashku në muajt e fundit në evente të rëndësishme, ceremoni çmimesh, koncerte dhe ndeshje NBA.
Fansat rikujtuan gjithashtu një tjetër moment viral të “Sex and the City” që Kylie kishte ripostuar në vitin 2024, ku personazhi Samantha Jones bënte një koment ikonik lidhur me Knicks.
Thashethemet për lidhjen mes Kylie Jenner dhe Timothée Chalamet nisën në vitin 2023, por me kalimin e kohës ata janë kthyer në një nga çiftet më të ndjekura dhe më të komentuara në industrinë e argëtimit.
Tashmë duket se edhe një koment i vetëm nga Kylie Jenner mjafton për të “thyer” internetin.
