Ambasada e Maqedonisë së Veriut në Emiratet e Bashkuara Arabe i njofton të gjithë shtetasit e Maqedonisë së Veriut, të cilët në këtë moment gjenden në EBA, se të martën do të realizohet edhe një fluturim për evakuim të qytetarëve në relacionin Dubai-Shkup.
“Duke marrë parasysh që përgatitjet dhe hollësirat për realizimin e tij janë duke u finalizuar, të gjithë qytetarët që kanë nevojë të domosdoshme dhe prioritare për evakuim duhet të paraqiten në Ambasadën e Republikës së Maqedonisë së Veriut në Abu Dabi sa më shpejt të jetë e mundur”, njoftojnë nga Ambasada.
Evidentimi, theksojnë nga Ambasada, mund të bëhet në këto kontaktet – Ambasada e Republikës së Maqedonisë së Veriut në Abu Dabi, telefon: +971 56 441 7532 dhe email: abudabi@mfa.gov.mk.
Deri tani janë realizuar katër fluturime të organizuara për evakuimin e qytetarëve nga rajoni i Lindjes së Mesme, duke transportuar gjithsej 458 udhëtarë.
