Një aksident trafiku me pasoja fatale ka ndodhur sonte rreth orës 19:30 në rrugën Komoran-Carralevë, ku janë përfshirë dy automjete.
Sipas njoftimit zyrtar, si pasojë e aksidentit janë lënduar pesë persona, ndërsa njëri prej tyre, mashkull, ka humbur jetën.
“Sot rreth orës 19:30, kemi pranuar informatën se në rrugën Komoran- Carralevë , ka ndodhur një aksident trafiku me pasoja fatale.
Në këtë aksident kanë qenë të përfshira dy automjete. Si pasojë e aksidentit janë lënduar pesë persona njëri nga të cilët ka vdekur. Vdekja e viktimës (mashkull) është konstatuar nga ekipi mjekësor në Shtëpinë e Shëndetit në Komoran.
Personat tjerë të lënduar janë dërguar për tretman mjekësor në QKUK, ndërkohë që me rastin po merret njësiti i trafikut rajonal”, thuhet në njoftim.
