Kryetari i Partisë Demokratike të Kosovës, Bedri Hamza, ka bërë homazhe në Kompleksin Memorial në Reçak, së bashku me bashkëpunëtorët e tij.
Hamza ka theksuar se Masakra e Reçakut është një nga ngjarjet kyçe që ka kontribuar drejtpërdrejt në lirinë dhe pavarësinë e Kosovës, duke theksuar se sakrifica e të rënëve do të respektohet përjetësisht.
Ai ka shtuar se respekti dhe përulja ndaj kontributit të të rënëve do të mbetet i përhershëm.
“Jemi këtu për të shpreh nderime dhe respektin për këtë ngjarje, për këta të rënë që është një ngjarje, një prej ngjarjeve që ka kontribuar në lirinë dhe pavarësinë e Kosovës. Falënderojmë edhe ambasadorin William Walker që ka dhënë kontributin e tij, e ka bërë publike këtë ngjarje dhe falë sakrificës, jetës dhe gjakut të të gjithë këtyre por edhe ngjarjeve gjithandej Kosovës ne gëzojmë lirinë dhe pavarësinë e Kosovës dhe gjithmonë do të shprehim respektin deri në përulësi për kontributin dhe veprën e tyre”, ka deklaruar Hamza.
