Me fishkëllima, daulle, tullumbace dhe pankarta qytetarët e Lisicës dolën sot pasdite për të protestuar kundër Planit të ri të Detajuar Urbanistik (PDU) të përgatitur nga Komuna e Aerodromit, shkruan portali gradska.mk, përcjell PRESSonline.al
Ata në protestë u shprehën qartë se nuk duan ndërtesa dhe se për mafinë urbane nuk ka vend në lagjen e tyre.
Banorët e Lisiçes kërkojnë që PDU i ri të tërhiqet plotësisht sepse është vdekje për vendbanimin. Sipas PDU të ri, në lagjen Lisice janë paraparë pulla për nëntë ndërtesa. Përgjatë bulevardit Serbia, në zonën ku tani nuk ka ndërtesa, por vetëm një parcelë për shitjen e veturave, ka tabela për katër objekte të mëdha.
Tri janë ndërtesa tetëkatëshe me një kat përdhes, gjashtë kate dhe një papafingo, ndërsa ndërtesa që është në cep mes bulevardit Serbia dhe rrugës Brigada e 12-të Maqedonase është objekt 12-katësh me katin përdhes, 10 kate dhe papafingo. Gjithashtu janë planifikuar pesë objekte përgjatë rrugës Brigada e 12-të Maqedonase, e cila u mundëson pronarëve të shtëpive në këtë zonë të ndërtojnë ndërtesa me katin përdhes, katër kate dhe një papafingo. Komuna e Aerodromit paraprakisht kishte njoftuar se ka pranuar shumicën e vërejtjeve të qytetarëve për Planin Detal Urbanistik të Lisiçes dhe se janë në përgatitje të versionit të dytë të planit. Pas përfundimit të kësaj faze, Komuna e Aerodromit do të publikojë versionin e ri të rishikuar të Planit të Detajuar Urbanistik.(PRESSonline.mk)
