Emisari i BE-së për dialogun Kosovë-Serbi, Miroslav Lajçak, ka takuar eurodeputetët e grupit të socialistëve dhe demokratëve me të cilët ka folur rreth zhvillimeve të fundit në dialog si dhe Ballkanin Perëndimor.
“Jam mirënjohës për interesimin e tyre në rajon dhe mbështetjen për të ardhmen evropiane”, shkroi Lajçak në Twitter.
Had a productive discussion with @TheProgressives about recent developments in the Dialogue and the Western Balkans in general. Grateful for their interest in the region and support of its European future. pic.twitter.com/KLJiYpEhpi
— Miroslav Lajčák (@MiroslavLajcak) April 25, 2023
Edhe socialistët dhe demokratët kanë shkruar në profilin e tyre në Twitter për takimin me të dërguarin evropian me ç’rast njoftuan se kanë diskutuar për dialogun para takimit të 2 majit.
“Ne bëjmë thirrje për zbatimin e Marrëveshjes në rrugën drejt normalizimit të marrëdhënieve”, thuhet në njoftimin e grupit.
Më 2 maj në Bruksel do të mbahet takimi I radhës në mes të kryeministrit të Kosovës Albin Kurti dhe presidentit serb, Aleksandar Vuçiq në kuadër të procesit të dialogut Kosovë-Serbi.
Ky takim vjen pas atij të Ohrit ku palët u dakorduan për aneksin e zbatimit të marrëveshjes të arritur në Bruksel mes Kosovës dhe Serbisë.
