Një vepër monumentale e piktorit francez Claude Monet, e titulluar “Iris”, u shit për 50 milion euro, përfshirë komisionet, në një ankand të Sotheby’s në Paris, duke vendosur rekord për veprën më të shtrenjtë të artit të shitur ndonjëherë në ankand në Francë.
E realizuar nga një prej përfaqësuesve më të rëndësishëm të impresionizmit, piktura u prezantua për herë të parë për publikun përpara shitjes.
Shitja shënon një moment të rëndësishëm për tregun francez të artit dhe vlerën që vazhdojnë të ruajnë kryeveprat e impresionizmit.
