Kosova Master-Athletic po përfaqëson Kosovën në Kampionatin Botëror të Atletëve Veteranë në Maratonë, i cili po zhvillohet në kuadër të Maratonës së 34-t të Zagrebit, në Kroaci.
Ambasada e Republikës së Kosovës në Kroaci ka bërë të ditur, përmes një postimi në Facebook, se diplomati Mentor Tahiri, në emër të ambasadës, u ka uruar suksese kryetarit të Kosova Master-Athletic, Driton Haliti, si dhe garuesit Dr. Skender Gashi në këtë garë ndërkombëtare.
Kampionati Botëror i Atletëve Veteranë në Maratonë po mbahet më 11 tetor 2026 në Zagreb, ku atletët pjesëmarrës garojnë në një ngjarje që bashkon sportistë veteranë nga vende të ndryshme të botës.
