Ylli i “Twilight”, Taylor Lautner, ka nisur një kapitull të ri në jetën e tij. Aktori 34-vjeçar është bërë baba për herë të parë, pasi bashkëshortja e tij, Tay Lautner, ka sjellë në jetë vajzën e tyre.
Çifti e ndau lajmin me fansat përmes një postimi të përbashkët në Instagram, ku publikuan edhe fotografinë e parë të vogëlushes. Vajza ka lindur më 16 shtator dhe është pagëzuar me emrin Lennon Taylor Lautner.
Një javë duke dashur vogëlushen tonë të ëmbël, Lenny. Lennon Taylor Lautner. 16.09.2026
-shkruan çifti në postimin e tyre.
Të dy kanë zgjedhur ta thërrasin vajzën me nofkën “Lenny”, ndërsa emri i saj i mesëm, Taylor, ka një domethënie të veçantë. Të dy prindërit mbajnë emrin Taylor, ndaj çifti kishte diskutuar më herët mundësinë që edhe fëmija i tyre ta trashëgonte këtë emër.
Lautner dhe Tay njoftuan në mars se ishin në pritje të fëmijës së tyre të parë. Në atë kohë, aktori ndau fotografi të çiftit duke pozuar së bashku, ndërsa në duar mbanin imazhet e ekografisë.
Çfarë ka më mirë se dy Taylor Lautner?
-shkroi ai në mënyrë simbolike në atë moment.
Disa muaj më vonë, çifti zbuloi se po prisnin një vajzë. Për aktorin, lajmi kishte një rëndësi të veçantë, pasi më herët kishte treguar se dëshironte shumë të bëhej baba i një vajze.
Tay Lautner, e cila është infermiere e regjistruar dhe aktiviste për shëndetin mendor, ka qenë gjithashtu e hapur për përvojën e saj gjatë shtatzënisë, duke ndarë me ndjekësit ndryshimet fizike dhe emocionale që përjetoi.
Taylor dhe Tay u njohën përmes motrës së aktorit, Makena Moore. Ata nisën lidhjen në vitin 2018, u fejuan në vitin 2021 dhe u martuan më 11 nëntor 2022 në Kaliforni.
Tashmë, familja e tyre është zgjeruar me ardhjen e vogëlushes Lennon, ndërsa çifti po shijon ditët e para si prindër.
