Ikona e hip-hop-it, Snoop Dogg (Calvin Broadus Jr.), do të jetë mikpritësi kryesor i ceremonisë së sivjetshme të MTV Video Music Awards. Ngjarja e madhe e muzikës do të transmetohet drejtpërdrejt të dielën, më 27 shtator, në kanalet CBS, MTV dhe përmes platformës Paramount+. Përveç rolit të drejtuesit, 54-vjeçari do të shërbejë edhe si producent ekzekutiv i spektaklit, i mbështetur nga një ekip i njohur me në krye Van Toffler dhe kompaninë Gunpowder & Sky.
Historiku i reperit në skenën e VMAs: Trofetë e fituar (3): Best Rap Video (1994), Best Dance Video (2006) dhe Best Art Direction (2015) nga gjithsej 13 nominime. Momentet kryesore: Performanca virtuale me Eminem në metavers (2022), homazhi për The Notorious B.I.G. (2005) dhe mbyllja elektrizuese me Dr. Dre e Eminem (1999). Për Snoop Dogg, ky rikthim shënon një mbyllje rrethi me rrjetin që ndihmoi në fuqizimin e hip-hop-it në shkallë globale. Reperi premtoi se mbrëmja e këtij viti do të dhurojë të tjera momente historike që do të mbeten gjatë në memorien e publikut.
