Pas vitesh spekulimesh për martesën e tyre, Will Smith dhe Jada Pinkett Smith thuhet se kanë bërë një hap të madh në marrëdhënien e tyre, duke u rikthyer të jetojnë së bashku.
Sipas një burimi pranë çiftit, Jada është rikthyer në shtëpinë e aktorit rreth dy vite më parë dhe raporti mes tyre është më i fortë se në vitet e fundit.
Jada u rikthye të jetojë me Will dy vite më parë. Ata e duan njëri-tjetrin dhe, si gjithmonë, janë të përkushtuar për ta mbështetur njëri-tjetrin
-ka deklaruar burimi.
Will Smith dhe Jada Pinkett Smith janë të martuar që prej vitit 1997 dhe konsiderohen një nga çiftet më të famshme të Hollywood-it.
Megjithatë, në vitin 2023, Jada tronditi publikun kur zbuloi se ata kishin jetuar të ndarë që nga viti 2016. Edhe pse nuk ndanin më të njëjtën shtëpi, çifti nuk bëri kurrë kërkesë për divorc dhe vazhdoi të ruante një marrëdhënie të afërt.
Gjatë gjithë këtyre viteve, ata janë shfaqur së bashku në evente familjare dhe kanë qenë pranë njëri-tjetrit në momentet më të rëndësishme.
Së fundmi, Will dhe Jada u panë krah për krah në prezantimin e koleksionit të veshjeve për meshkuj të Christian Louboutin për sezonin pranverë/verë 2027, ku morën pjesë për të mbështetur djalin e tyre, Jaden Smith.
Në aktivitet ishin të pranishëm edhe vajza e tyre Willow Smith, djali i madh i Will, Trey Smith, si dhe nëna e Jadas, Adrienne Banfield-Norris, duke dhënë imazhin e një familjeje të bashkuar.
Burimi shton se dyshja kalon gjithnjë e më shumë kohë së bashku dhe vazhdon të ketë në qendër familjen.
Gjatë muajve të fundit, ata janë fotografuar në disa dalje publike, mes tyre festimi i ditëlindjes së Jadas dhe një udhëtim familjar në Paris, duke nxitur edhe më shumë spekulimet se martesa e tyre po kalon një periudhë të re.
Edhe pse as Will Smith dhe as Jada Pinkett Smith nuk kanë konfirmuar zyrtarisht se janë rikthyer të jetojnë së bashku, burimet pranë tyre këmbëngulin se lidhja e tyre është forcuar dhe se të dy vazhdojnë të jenë të përkushtuar ndaj njëri-tjetrit dhe familjes së tyre.
