Dasma luksoze e Taylor Swift dhe Travis Kelce mund të mos ketë përfunduar me ceremoninë madhështore në Madison Square Garden.
Sipas raportimeve të reja, çifti ka filmuar çdo moment të ditës së tyre më të rëndësishme dhe po përgatit një dokumentar ekskluziv, i cili do t’u dërgohet si dhuratë të gjithë rreth 1.000 të ftuarve që morën pjesë në festë.
Burime pranë organizimit kanë bërë të ditur se gjatë gjithë eventit kishte kamera profesionale në çdo cep të ambientit, ndërsa të ftuarit u detyruan të respektonin një politikë strikte pa telefona dhe të nënshkruanin marrëveshje konfidencialiteti, për të shmangur publikimin e pamjeve para kohe.
Sipas raportimeve, dokumentari pritet të përfshijë momentet më emocionuese të ceremonisë, betimet personale të çiftit, prapaskenat e organizimit dhe festën madhështore që pasoi, duke u ofruar të ftuarve mundësinë ta përjetojnë sërish ditën historike.
Raportimet kanë nxitur edhe spekulime se projekti mund të publikohet më vonë në një platformë transmetimi, duke pasur parasysh historinë e Taylor Swift me dokumentarët dhe bashkëpunimet e saj me shërbimet streaming. Megjithatë, deri tani nuk ka asnjë konfirmim zyrtar nga këngëtarja apo ekipi i saj për një publikim të tillë.
Përveç dokumentarit, të ftuarit morën edhe kujtime të personalizuara nga ceremonia. Mes tyre ishte një shami e qëndisur me datën e dasmës dhe një varg nga kënga “Blank Space”, ndërsa të ftuarit në darkën e provës u surprizuan edhe me dhurata shumë më luksoze, përfshirë kupa shampanje të zbukuruara me diamantë.
Dasma e Taylor Swift dhe Travis Kelce, e zhvilluar më 3 korrik në New York, u kthye në një nga ngjarjet më të komentuara të vitit, me një listë të gjatë të ftuarish VIP dhe masa të paprecedenta sigurie që mbajtën larg syve të publikut detajet e ceremonisë.
