02 Korrik 2026, 15:21
Beshiktashi ka falenderuar Kristjan Asllanin për kontributin në sezonin e fundit. Mesfushori i Kombëtares konsiderohet i Interit që nga data 1 korrik.
“Falënderojmë Kristjan Asllanin, i cili ishte pjesë e skuadrës sonë në huazim të përkohshëm, për kontributin e tij në klubin tonë dhe i urojmë suksese në vazhdim të karrierës së tij”, shkruan Beshiktash në rrjetet sociale.
Asllani nuk pritet të qëndrojë për shumë gjatë tek Interi. Kaljari është i interesuar për shërbimet e tij, ndërsa Beshiktashi do të futej në garë vetëm nëse pretendimet e zikaltërve do të uleshin. Klauzola që nuk u aktivizua për blerjen e kartonit ishte 11 milionë euro.
Mesfushori 24-vjeçar nuk konsiderohet si opsion nga Kristian Kivu. Ndaj dhe largimi është çështje kohe.
