Daut Haradinaj, kandidat për deputet i Aleancës për Ardhmërinë e Kosovës (AAK), në emisionin Debat Plus në RTV Dukagjini ka folur lidhur me zërat kritikë se kinse Albin Kurti e ka pensionuar Ramush Haradinajn.
Ai ka thënë se prej vitesh Ramush Haradinaj e kishte paralajmëruar largimin nga kreu i AAK-së dhe se ska të bëjë asgjë me Albin Kurtin ky proces.
“Ka vite që Ramush Haradinaj e ka paralajmëruar largimin prej kreut të AAK-së, jo prej skenës politike dhe të nominuarit për ekzekutiv.”
“Nëse nuk gaboj, kjo duhet të jetë qysh në vitin 2021, në kohën kur ne veç i kemi pasur përpara zgjedhjet e brendshme, pastaj ishte ajo koha e pandemisë dhe kështu vazhdoi”, ka thënë ai.
Sipas Haradinajt, largimi nga kreu i partisë nga ana e Ramush Haradinajt është proces normal dhe i paramenduar pikërisht nga vetë ai, duke e konsideruar kohën më të përshtatshme për t’i bërë këto lëvizje.
“Mendoj që i ka dhënë mundësinë një djali të jashtëzakonshëm si Ardian Gjini…”, ka thënë ai.
https://www.youtube.com/watch?v=xLwGKw-WeWI
