Këngëtari Niall Horan ka folur hapur për humbjen e mikut dhe ish-shokut të grupit Liam Payne, i cili humbi jetën në vitin 2024 në moshën 31-vjeçare pas një rënieje tragjike nga një hotel në Buenos Aires.
Në një intervistë për “The Times of London”, Horan zbuloi se kishte kaluar kohë me Payne në Argjentinë vetëm pak javë përpara vdekjes së tij dhe se lajmi e tronditi thellësisht.
Jam i lumtur që kujtimi im i fundit për të është një kujtim i bukur. Ende më duket e pabesueshme. Ditën e parë thosha me vete: ‘Jo, kjo nuk ka ndodhur’. Miqësia jonë ishte një lidhje që do të ekzistonte përgjithmonë, edhe nëse nuk takoheshim shpesh. Është e çuditshme sesi një ditë, brenda një çasti, ai nuk është më
-u shpreh këngëtari.
Horan tregoi se pas humbjes së Liamit, familjet e tyre kanë qëndruar në kontakt, duke u mbështetur te njëra-tjetra për të përballuar dhimbjen.
Ai tha se kur mendon për mikun e tij të ndjerë, ndjen një përzierje emocionesh mes trishtimit dhe mirënjohjes për kujtimet që kanë ndarë së bashku.
Kur mendoj për largimin e Liamit, ndjej trishtim, por njëkohësisht buzëqesh kur kujtoj momentet që kemi kaluar bashkë. Shpesh më kujtohen situata qesharake nga hotelet apo udhëtimet tona. Kemi kaluar shumë kohë të bukur në Australi, ku shkonim në plazh. Liam ishte mjaft i mirë në sërf, ndërsa unë mezi di të notoj
-tha ai me nostalgji.
Këngëtari zbuloi gjithashtu se albumi i tij i ri solo, Dinner Party, që publikohet më 5 qershor, përfshin një këngë dedikuar Liam Payne me titull “End of an Era”.
Duke folur për mënyrën se si mendon se do ta kishte pritur Liam këtë këngë, Horan tha se beson se ajo do të ishte pikërisht sipas shijes së tij muzikore.
Mendoj se është lloji i këngës që ai do ta pëlqente. I pëlqenin shumë Coldplay dhe këngë si You & I nga One Direction, këngë që zhvillohen gradualisht dhe mbartin një emocion të veçantë
-përfundoi ai.
