Tiffany Trump mori gjithë vëmendjen gjatë darkës shtetërore në Shtëpinë e Bardhë, të organizuar për nder të vizitës së Charles III dhe Camilla, pasi paraqitja e saj elegante u kthye menjëherë në temë diskutimi.
Vajza e Donald Trump u shfaq me një fustan ngjyrë të verdhë pastel, pa rripa dhe me dekolte të theksuar, një zgjedhje që shumë e konsideruan si largim nga kodi tradicional i veshjes për evente të tilla prestigjioze.
Edhe Melania Trump tërhoqi vëmendje me paraqitjen e saj, teksa zgjodhi një fustan të gjatë rozë, gjithashtu pa rripa. Dy veshjet ndezën diskutime në rrjet dhe media lidhur me respektimin e protokollit “white tie”, niveli më i lartë i formalitetit në ngjarjet shtetërore.
Megjithëse stile të tilla nuk janë të ndaluara, zakonisht në prani të familjes mbretërore preferohen zgjedhje më klasike dhe konservatore.
Më vonë, Tiffany publikoi fotografi nga mbrëmja në rrjetet sociale, ku u shfaq krah bashkëshortit të saj Michael Boulos, ndërsa komentet për veshjen e saj vazhduan të dominojnë vëmendjen online.
Në darkën madhështore morën pjesë edhe anëtarë të tjerë të familjes Trump, përfshirë Ivanka Trump, si dhe emra të njohur nga bota e biznesit dhe teknologjisë, mes tyre Tim Cook.
Kështu, eventi u përfol jo vetëm për rëndësinë diplomatike, por edhe për debatin e madh rreth etikës së veshjes në nivelet më të larta të protokollit.
