Forcat speciale të Meksikës kanë arrestuar Audias Flores, i njohur si “El Jardinero” (Kopshtari), një nga drejtuesit kryesorë të kartelit të fuqishëm “Jalisco New Generation Cartel” (CJNG), në shtetin perëndimor Nayarit. Lajmi u konfirmua nga ministri i Sigurisë, Omar García Harfuch.
Flores, i cili shërbente si komandant rajonal dhe kontrollonte zona të gjera përgjatë bregdetit të Paqësorit, konsiderohej si një nga pasardhësit e mundshëm të Nemesio Oseguera, i njohur si “El Mencho”, lider i kartelit që u vra gjatë një operacioni sigurie në shkurt.
Sipas Marinës meksikane, që udhëhoqi operacionin, forcat e sigurisë rrethuan një strehë në zonën El Mirador, rreth 20 kilometra në veri të resortit turistik Puerto Vallarta.
Flores mbrohej nga rreth 30 automjete dhe mbi 60 persona të armatosur. Megjithatë, ai u kap teksa përpiqej të fshihej në një kanal kullimi. Autoritetet theksuan se operacioni u realizua pa u shkrepur asnjë plumb.
Intento correr en el monte para escapar, un video muestra el momento en el que Audias Flores Silva, El Jardinero, líder del CJNG es sometido y detenido por Fuerzas Especiales en Nayarit (Informacion en el enlace) https://t.co/ei5LKi0GeF pic.twitter.com/WXxlD6rHoZ
— Blog del Narco México (@blogdelnarcomex) April 27, 2026
Operacioni ishte rezultat i 19 muajve hetime dhe përfshiu mbi 500 ushtarë, gjashtë helikopterë dhe disa avionë. Pamjet e publikuara tregojnë momente gjatë arrestimit.
Pas ndalimit të tij, në Nayarit shpërthyen trazira, me bllokime rrugësh, vandalizëm dhe përplasje me armë zjarri.
🚨Tras la captura de Audias Flores, alias “El Jardinero”, identificado como exjefe de seguridad de “El Mencho”, se registraron actos violentos en varios puntos de Nayarit.
En Tecuala se reportaron incendios en negocios y detonaciones de arma de fuego. pic.twitter.com/yfwNH58Bfh
— Azucena Uresti (@azucenau) April 27, 2026
Sipas autoriteteve, në operacion kanë kontribuar edhe Shtetet e Bashkuara, të cilat kishin vendosur një shpërblim prej 5 milionë dollarësh për kapjen e Flores. Ende nuk është e qartë nëse ai do të gjykohet në Meksikë apo do të ekstradohet në SHBA.
Así detuvieron a Audias Flores Silva, alias “El Jardinero”
Fue capturado en Nayarit
Cuenta con orden de aprehensión en México y EU ofrecía 5 mdd por él pic.twitter.com/dLiX4GDeGJ
— Manuel Lopez San Martin (@MLopezSanMartin) April 27, 2026
Po të njëjtën ditë u arrestua edhe César Alejandro N., i njohur si “El Güero Conta”, i dyshuar si bashkëpunëtor i afërt dhe përgjegjës për pastrimin e parave të Flores.
Ekspertë të sigurisë e konsiderojnë arrestimin e “El Jardinero” si një goditje të rëndë për kartelin CJNG”.
Ai kishte rol kyç në rrjetet e prodhimit dhe trafikimit të drogës, përfshirë laboratorët dhe rrugët e kontrabandës drejt SHBA-së.
Arrestimi vjen në një kohë kur Meksika ka shtuar operacionet kundër karteleve, edhe nën presionin e Shteteve të Bashkuara për të luftuar trafikun e fentanilit dhe krimin e organizuar.
Ambasadori amerikan në Meksikë e cilësoi këtë zhvillim si një hap të rëndësishëm në luftën kundër trafikut të drogës dhe dhunës që lidhet me të.
