10 Prill 2026, 18:34
Can Uzun me shumë mundësi do të largohet nga Eintracht Frankfurt në fund të këtij sezoni. Fantazisti 20-vjeçar po tregon aftësi të jashtëzakonshme, duke fituar kështu interesin e Milan.
Klubi i Serie A është gati që të shpenzojë deri në 35 milionë euro, për të siguruar shërbimet e yllit të Turqisë. Sipas “BILD”, Igli Tare dhe Milan kanë nisur të marrin informacionet e para në lidhje më një transferim të mundshëm të turkut.
Kujtojmë që këtë sezon, 20-vjeçari ka bërë mjaft mirë me Eintracht Frankfurt. Në 22 ndeshje, përfshirë këtu Bundesligë, Kupë dhe Champions League, Uzun ka shënuar 8 gola e asistuar në 5 të tjerë.
