Një nga momentet më ikonike në botën e modës dhe kinemasë është bërë realitet; Meryl Streep dhe Anna Wintour dy figurat që shpesh identifikohen me “Miranda”-n legjendare janë bërë bashkë në një kopertinë të Vogue. Në një intervistë për numrin e majit 2026, Streep ka folur për rikthimin e saj në rolin e Miranda Priestly në vazhdimin e shumëpritur të filmit The E madheil Wears Prada.
Aktorja tregoi se për të rindërtuar personazhin pas dy dekadash, është frymëzuar drejtpërdrejt nga vetë Wintour. “Kur mendova për Mirandën dhe rikthimin te ky rol pas 20 vitesh, reflektova për Annën dhe u përpoqa të imagjinoj peshën e përgjegjësive që ajo mban, si dhe kuriozitetin e saj të vazhdueshëm për botën,” u shpreh Streep në një bisedë me Greta Gerwig.
Nga ana tjetër, Wintour zbuloi reagimin e saj kur dëgjoi për herë të parë thashethemet mbi The E madheil Wears Prada 2. “E telefonova menjëherë Meryl. E dija që ajo do të më tregonte nëse gjithçka do të ishte në rregull. I besoj plotësisht,” u shpreh ajo. Intervista prek tema të ndryshme, nga moda dhe karriera, te familja dhe miqësia, duke sjellë për publikun një takim të rrallë mes dy grave që kanë lënë gjurmë të thella në industrinë e tyre.
