Futbollisti shqiptar Edon Zhegrova po përjeton një nga momentet më të bukura të jetës së tij personale. Ylli i futbollit është bërë baba për herë të parë dhe lajmi është bërë publik nga klubi i tij, Juventus, përmes një postimi në rrjetet sociale.
Klubi italian e uroi futbollistin për ardhjen në jetë të fëmijës së tij të parë, duke ndarë edhe emrin e vogëlushit.
Urime Edon Zhegrovës për lindjen e fëmijës së tij të parë, Mars!
-shkruhej në mesazhin e publikuar nga klubi.
Sipas informacionit të bërë publik, djali i porsalindur është quajtur Mars, një emër që duket të jetë frymëzuar nga muaji i lindjes së tij. Zgjedhja e këtij emri simbolik ka tërhequr menjëherë vëmendjen e fansave të futbollistit.
Partnerja e Zhegrovës, ndërkohë, vazhdon të mbajë një profil shumë të ulët publik dhe nuk janë zbuluar shumë detaje rreth saj, pasi çifti preferon ta mbajë jetën private larg vëmendjes së mediave.
Ky moment shënon një kapitull të ri në jetën e futbollistit shqiptar. Krahas sukseseve në fushën e blertë, Zhegrova tani përjeton edhe emocionin e të qenit prind për herë të parë, ndërsa fansat kanë reaguar menjëherë me urime dhe mesazhe të shumta për familjen e re.
