Në çdo episod të “Top Tech” me Mateo Kadriun zbulojmë të rejat më të fundit nga bota e madhe e teknologjisë. Me informacione dhe gjithçka të detajuar rreth risive dhe mundësive që po na ofrohen çdo ditë sidomos nga Inteligjenca Artificiale me avancimin e projekteve nga më të ndryshme.
Nvidia dhe kontrata e arritur mes gjigantëve të Samsung dhe Hyundai
Nvidia sapo bëri atë që s’e ka bërë as Google, as Amazon, as Apple — po njerëz, kompania u ngjit në qiellin e $5 trilionëshit. Po, me “T” – trilion!
Gjithçka falë bumit të inteligjencës artificiale që po çmend tregjet, me të gjithë duart që duan një copë nga torta e GPU-ve të Nvidia-s.
Aksionet u rritën me mbi 5 përqind në një ditë, pasi Presidenti Trump tha se do bisedonte me Presidentin Xi për çipet “Blackwell”. Po, e di – tingëllon si emri i një magjistari, por janë çipat që po ndryshojnë botën.
CEO-ja i Nvidia-s, Jensen Huang, deklaroi se kompania pret 500 miliardë dollarë nga shitja e çipave AI dhe se po ndërton 7 superkompjutera të rinj për Amerikën. Dhe sikur të mos mjaftonte, Nvidia hodhi 1 miliard në Nokia – jo për ringtone-t e vjetra, po për të ndihmuar në rrjetet 5G dhe 6G të së ardhmes.
Dhe ndërsa Wall Street po digjte tastierat nga emocionet, Huang bëri diçka… shumë më tokësore: doli për fried chicken dhe birrë.
Në Seoul, ai u pa me dy gjigantët koreanë – Lee Jae-yong nga Samsung dhe Chung Eui-sun nga Hyundai – në një restorant të famshëm që quhet Kkanbu Chicken. Për kë s’e di, “chimaek” – chicken + maekju (birrë) – është kombinimi kombëtar i lumturisë në Korenë e Jugut.
Të tre miliarderët, me vlerë totale 195 miliardë dollarë, hëngrën pulë me djath dhe po, u ofruan të gjithëve në lokal për të ngrënë falas!
Jensen ngriti zilen e artë – “golden bell” – që do të thotë “unë paguaj për të gjithë”, dhe turma shpërtheu në brohorima. Thonë se Lee i Samsung-ut pagoi faturën, ndërsa Chung mori përsiper raundin e dytë. Kjo po është miqësi me GPU-të ndezura.
Pas darkës, Huang u takua me presidentin e Koresë dhe njoftoi se Nvidia do t’u japë 260 mijë GPU kompanive koreane për të ndërtuar makina autonome dhe AI.
Pra po, ndërsa shumica prej nesh luftojmë me faturën e birrave në fundjavë, Jensen Huang po e kthen çdo darkë me miq në një pakt teknologjik miliardë-dollarësh.
Dhe kush e di… ndoshta herën tjetër do pijë birrë me Elon Musk dhe do blejë Wikipedia-n.
