Të ftuar në “Live From Tirana” me Ronaldo Sharkën, kanë qenë Ervin Toro, një shqiptar i suksesshëm në Amerikë, si dhe Bruno Shemsho, për të folur për markën e veshjeve ‘Shq1pe’, mjaft e njohur në SHBA por jo vetëm. Si lindi ideja e këtij biznesi me identitet shqiptar?
Si u njoh Bruno me brendin Shq1pe?
Unë kam shkuar dy herë në Amerikë. Herën e parë që shkova, ishte një vizitë shumë e shkurtër, rreth 8 ditë, isha vetëm me familjarët e mi. Ervini më kontaktoi për podcastin e tij, sepse mundemi të kemi një impakt pozitiv tek komuniteti shqiptar në New York. Nuk munda që të shkoja herën e parë, por me dëshirën e madhe që të shikoja se çfarë bëhej vërtet, sepse nuk pata mundësi ta eksploroja. Herën e dytë i shkruajta, u takuam dhe përveç podcastit vura re dhe veshjen. E pyeta, më tregoi produktet dhe menduam për një bashkëpunim. Një bashkëpunim i cili është shumë frytdhënës dhe mua po më pëlqen shumë fakti që sa herë shkoj në New York apo kudo në Amerikë, e di që kam njerëz të mitë që suportojnë njëri-tjetrin.
Ti e ndjen përkrahjen e shqiptarëve mes njëri-tjetrit në Amerikë?
Në Amerikë po, madje më shumë se këtu. Andej e ndjej shumë më shumë. Është kënaqësi të bashkëpunosh me njëri-tjetrin, nuk vendos as censurë, nuk vendos as limite në mënyrën si i komunikon gjërat se në fund të fundit jeni nga i njëjti vend. Ata që janë andej kanë mall për këtë vend dhe kur shkojmë ne u duket diçka e madhe. Janë shumë mikpritës.
