Hamasi kreu ekzekutime publike të hënën për të ndëshkuar ata që i konsideron “bashkëpunëtorë me Izraelin”, raportoi BBC.
Sipas medias britanike, qëllimi i spastrimeve të Hamasit është të ruajë kontrollin e Gazës nga fraksionet që janë krijuar në rajon kohët e fundit.
Videoja tregon tetë burra të rrahur dhe me sy të lidhur, të gjunjëzuar para se të ekzekutohen nga terroristët e Hamasit.
Sipas BBC-së, Hamasi pretendon se ekzekutoi “kriminelët dhe bashkëpunëtorët e Izraelit”, megjithatë, nuk paraqiti asnjë provë për këto pretendime.
