Në Ditën Botërore të Lirisë së Shtypit (3 maj), mesazh ka përcjellë edhe ambasadorja e SHBA-ve në RMV, Angela Ageler, e cila theksoi se zgjedhjet nxjerrin në pah rolin vendimtar që media duhet dhe patjetër të luajë gjatë gjithë procesit.
“Sot është Dita Botërore e Lirisë së Shtypit dhe zgjedhjet nxjerrin në pah rolin vendimtar që media duhet dhe patjetër të luajë gjatë gjithë procesit. Shtyp i lirë dhe i gjallë që shqyrton faktet, komunikon idetë dhe propozimet te publiku dhe i shtyn zyrtarët të shpjegojnë qëndrimin e tyre për çështjet që kanë rëndësi për jetën e qytetarëve dhe të përcaktojnë rrjedhën e vendit”, tha ambasadorja Ageler.
Në Maqedoninë e VEriut me 8 maj do të mbahen zgjedhjet parlamentare dhe rrethi i dytë i zgjedhjeve presidenciale. Indeksi i Lirisë së Medias të Reporterëve pa Kufij (RSF) RMV-ja dhe pse me një rezultat të përgjithshëm më të dobët se vitin e kaluar, u ngjit me dy vende, nga 38 në 36, kjo pasi vendet e tjera në rajon u vlerësuan më keq.
