Dy kandidatët për president nga komuniteti shqiptar, Arben Taravari dhe Bujar Osmani, ndajnë të njëjtën kërkesë: shfuqizimin e zgjedhjeve presidenciale dhe zgjedhjen konsensuale të presidentit në Kuvend. Dy partitë më të mëdha në vend – VMRO-DPMNE dhe LSDM janë kundër. Ata janë të bindur se kanë kandidatin e duhur për president, i cili do të mbështetet nga shumica e qytetarëve nga të gjitha komunitetet, shkruan PRESSonline.al
Përballë votuesve njëri kundër tjetrit, por në deklarata pranë njëri-tjetrit. Arben Taravari dhe Bujar Osmani ende nuk i kanë shpallur programet zgjedhore dhe premtimet që do t’i zbatonin nëse do të merrnin votat për president, por po mundohen të marrin nënshkrimet e votuesve me një kërkesë: që zgjedhjet e menjëhershme të kalojnë në një marrëveshje konsensusi parlamentar mes palëve.
Taravari kujton se kemi sistem parlamentar dhe se kompetencat e kreut të shtetit nuk janë aq të mëdha. Janë të ngjashme me ato në Shqipëri dhe Kosovë, ku votohet Presidenti në Kuvend.
Një kërkesë të ngjashme BDI-ja kishte edhe në zgjedhjet e kaluara. Tani, Osmani kërkon që roli i babait të kombit të fitohet në bazë të mundësive të barabarta. Të dy e vendosin si kusht për koalicion në Qeveri, informon PRESSonline.al
Dy partitë më të mëdha janë kundër, LSDM-ja e refuzoi në zgjedhjet e 2019-ës. VMRO DPMNE e quajti këtë propozim nacional-romantik dhe nuk ka ndërmend të diskutojë dhe negociojë nën shantazh. Ata besojnë se BDI propozon këtë në mungesë të argumenteve dhe projekteve reale për problemet thelbësore të qytetarëve.
Më 24 prill duhet të mbahen zgjedhjet e shtata presidenciale me deklarimin e menjëhershëm të qytetarëve. Interesim shfaqën 13 kandidatë potencialë. Për të verifikuar kandidaturën e tyre në KSHZ, duhet të dorëzojnë 30 nënshkrime të deputetëve ose 10 mijë nënshkrime nga qytetarët.(PRESSonline.al)
