“VMRO-DPMNE është kundër çdo projekti strategjik në vend dhe për këtë qëllim shpërndan gënjeshtra për projektin më të madh 1.3 miliardë euro, ndërtimin e korridoreve 8 dhe 10D. Nuk janë të sakta pretendimet e VMRO-DPMNE-së se shteti do të paguajë gjoba nëse në Kuvend nuk kalon pakoja e ligjeve që kanë të bëjnë me ndërtimin e korridoreve”, thonë nga LSDM, transmeton PRESSonline.al.
“Si çdo kontratë tjetër ku Investitori dhe Kontraktori kanë të drejtat dhe detyrimet e veta dhe sipas kontratës, Kontraktori mund të punojë në kushte ku zbatohen dispozitat ligjore ekzistuese.
Por në atë rast, afati i performancës do të ishte më i gjatë. Duke qenë se është një projekt strategjik me interes kombëtar, në vend që ndërtimi të zgjasë me vite dhe të kushtojë më shumë, është ofruar një zgjidhje që projekti të përfundojë në një kohë sa më të shkurtër.
Nuk është i vërtetë as pretendimi se ndryshimi i zgjidhjeve ligjore cenon të drejtat e punëtorëve.
Së pari, bëhet fjalë për ndryshime të propozuara në Ligjin për Marrëdhëniet e Punës që i referohen vetëm projekteve me interes strategjik dhe kombëtar. Së dyti, po flasim për një zgjidhje me të cilën punëtorët e ndërtimit që punojnë në këtë lloj projekti do të marrin kompensim 50% më shumë për çdo orë pune të dielën dhe do të marrin kompensim për punën jashtë orarit në përputhje me Ligjin për Marrëdhëniet e Punës dhe Kontrata e përgjithshme kolektive për Sektorin Privat, për orët e tjera jashtë orarit.
Së treti dhe më e rëndësishmja, e gjithë kjo do të ndodhë vetëm me pëlqimin paraprak me shkrim të vetë punonjësit.
Kohët kur VMRO-DPMNE si parti në pushtet shkelte sistematikisht të drejtat e punëtorëve dhe i përfaqësonte qytetarët maqedonas si fuqi punëtore të lirë nuk janë të largëta. Ajo kohë ka mbaruar dhe nuk do të kthehet më.
Investimet në seksionet rrugore të Korridorit 8 dhe Korridorit 10 janë historikisht investimet më të mëdha në infrastrukturë, me të cilat përfundimisht do të përmbyllet një projekt dhjetëvjeçar i rëndësishëm për shtetin dhe qytetarët”, tha LSDM. / PRESSonline.al
