Këngëtari i njohur shqiptar, Blero Muharremi, ka ndarë me ndjekësit një lajm të trishtë familjar.
Përmes rrjeteve sociale, artisti ka bërë të ditur se ka ndërruar jetë tezja e tij, të cilën e përshkruan si një nga njerëzit më të rëndësishëm në jetën e tij.
Blero publikoi një fotografi të përbashkët me të dhe e shoqëroi me një mesazh të ndjerë, duke zbuluar se marrëdhënia e tyre ishte shumë e veçantë.
Sot humba një pjesë të shpirtit tim. Tezja ime, binjakja e nënës sime, por për mua një nënë e dytë
-shkroi ai.
Më tej, këngëtari shprehu dhimbjen për humbjen e saj, duke shtuar:
Do të më mungosh gjithë jetën. U prehsh në paqe, o shpirt i bardhë.
Me këto fjalë, Blero ka ndarë publikisht dhimbjen për humbjen e një personi që, për të, nuk ishte thjesht një e afërme, por një figurë e dytë prindërore dhe një prani e pazëvendësueshme në jetën e tij.
