Familja e Heroit të Kombit Sali Çekaj ka dalë me një deklaratë publike përmes së cilës shpreh mbështetjen e saj të plotë dhe të fuqishme për propozimin e Ambasadorit William Walker që Dr. Faton Bislimi të jetë President i Republikës së Kosovës.
Në deklaratën e nënshkruar nga Smajl Çekaj, vëlla, ish-veprimtar dhe ish-bashkëpunëtor i Heroit Sali Çekaj, theksohet se ky propozim shihet si një vlerësim i merituar për një personalitet me vizion dhe përvojë ndërkombëtare.
Më poshtë po sjellim tekstin e plotë të letrës së Familjes Çekaj:
MBËSHTETJE E FUQISHME NGA FAMILJA ÇEKAJ
Në emër të Familjes Çekaj, si vëlla i Heroit të Kombit Sali Çekaj, ish-veprimtar dhe ish-bashkëpunëtor i tij, shpreh mbështetjen time të fuqishme për propozimin e Ambasadorit William Walker që Dr. Faton Bislimi të jetë President i Republikës së Kosovës.
Familja Çekaj e sheh këtë propozim si një vlerësim të merituar për një veprimtar të përkushtuar, një zë të fuqishëm të Kosovës dhe një personalitet me vizion e përvojë ndërkombëtare.
Në emër të kujtimit, sakrificës dhe amanetit të Heroit Sali Çekaj, ne mbështesim njerëzit që i shërbejnë Kosovës me dinjitet, guxim dhe përkushtim.
Dr. Faton Bislimi meriton mbështetjen dhe besimin tonë, i dëshmuar në çdo periudhë të proqeseve politike.
Me respekt dhe krenari,
Smajl Çekaj
Vëlla i Heroit Sali Çekaj, ish-veprimtar dhe ish-bashkëpunëtor i tij.
