Ndërsa “rivaliteti” mes Cristiano Ronaldos dhe Lionel Messit vazhdon të mbetet një nga më të mëdhenjtë në historinë e futbollit, partneret e tyre po tregojnë se jashtë fushës nuk ka vend për rivalitet.
Georgina Rodriguez dhe Antonela Roccuzzo kanë tërhequr vëmendjen në rrjetet sociale me një gjest miqësor që është vlerësuar nga fansat e të dy legjendave të futbollit.
Georgina ka prezantuar së fundmi projektin e saj më të ri në biznes, markën e veshjeve “Mimoa”, me seli në Dubai, e cila synon të ofrojë veshje moderne për gra me çmime nën 100 euro.
Për të promovuar koleksionin e parë, partnerja e Cristiano Ronaldos u dërgoi disa nga krijimet e saj personave të njohur, mes tyre edhe Antonela Roccuzzos, bashkëshortes së Lionel Messit.
Antonela nuk vonoi të reagojë. Ajo publikoi në Instagram një fotografi të paketës së dhuratës dhe falënderoi publikisht Georginën për surprizën.
Faleminderit shumë, Georgina
-shkroi ajo.
Më pas shtoi edhe një mesazh që tërhoqi vëmendjen e ndjekësve:
Gjithçka është e mrekullueshme. Të uroj gjithë suksesin e botës.
Reagimi i Antonelës u komentua gjerësisht nga fansat, të cilët e cilësuan si një shembull respekti dhe mbështetjeje, pavarësisht rivalitetit historik mes partnerëve të tyre në fushën e blertë.
Georgina e prezantoi zyrtarisht markën “Mimoa” gjatë ndeshjes mes Portugalisë dhe Kolumbisë, ku ishte në tribunë për të mbështetur Cristiano Ronaldon.
Për këtë rast, ajo kishte zgjedhur një veshje sportive nga koleksioni i saj, e përbërë nga geta dhe një bluzë e ngushtë me mëngë të shkurtra, me prerje në formë V dhe me numrin 7 të Ronaldos në pjesën e pasme.
Duke folur për filozofinë e markës së saj, Georgina tha se dëshiron të përcjellë një mesazh pozitiv për gratë.
E krijova këtë markë sepse besoj se trupi i gruas nuk është diçka që duhet rregulluar. Ai është i gjallë, i mjaftueshëm dhe i bukur pikërisht ashtu siç është
-u shpreh ajo.
Gjesti i Antonela Roccuzzos ndaj Georgina Rodriguez po shihet nga shumë fansa si një dëshmi se respekti dhe mbështetja mes tyre shkon përtej rivalitetit legjendar mes Lionel Messit dhe Cristiano Ronaldos.
