Zëvendës presidenti amerikan, JD Vance tha të premten se SHBA-të fitojnë “në të dyja rastet” lidhur me negociatat me Iranin, duke thënë se programi i tyre bërthamor është shkatërruar dhe se vendi është bërë më i dobët.
“Nëse arrijmë marrëveshjen përfundimtare, atëherë shkëlqyeshëm. Nëse nuk arrijmë marrëveshjen përfundimtare, programi i tyre bërthamor është ende i shkatërruar. Ata janë ende shumë më të dobët si vend, kështu që qëndrimi im është se Amerika fiton në të dyja rastet.”, u shpreh ai në një intervistë.
Deklarata e tij erdhi disa orë para se të raportohej se një tanker u godit nga një predhë në ngushticë dhe se SHBA-ja dhe Irani nisën sulme, në përshkallëzimin më të keq që kur nënshkruan marrëveshjen e përkohshme të paqes.
Uashingtoni tha se goditi objektiva iraniane gjatë natës, ndërsa Irani tha se kishte goditur objektiva të lidhura me forcat amerikane të shtunën në përgjigje.
Sulmi i së shtunës ndaj një anijeje cisternë pasoi një sulm ndaj një anijeje mallrash të enjten që shkaktoi armiqësitë.
