Kendall Jenner dhe Jacob Elordi janë shfaqur sërish në qendër të vëmendjes, këtë herë gjatë një pushimi të qetë në Australi, ku pamjet e tyre të përbashkëta kanë nxitur edhe një herë zërat për një romancë gjithnjë e më të konsoliduar mes supermodeles dhe aktorit të Hollywood-it.
Në fotografi të siguruara nga Page Six, çifti shihet duke shëtitur qenin e Elordi-t, Layla, në Byron Bay të mërkurën, të veshur në mënyrë të koordinuar me xhaketa shiu me ngjyra të forta.
Kendall Jenner kishte zgjedhur një xhaketë blu të kombinuar me shall në të njëjtën nuancë, pantallona të zeza dhe syze dielli, ndërsa Jacob Elordi u shfaq me një xhaketë shiu të verdhë të markës Arc’teryx, kapelë bejsbolli dhe syze të errëta.
Kendall Jenner dhe Jacob Elordi u panë gjithashtu duke marrë mëngjes në një kafene lokale në qytetin bregdetar, jo shumë larg Brisbane, qyteti i lindjes së aktorit.
Daljet e tyre të fundit në vende të ndryshme të botës, nga Tokio te Hawaii, kanë ushqyer spekulimet se marrëdhënia e tyre është bërë më serioze.
Sipas burimeve të cituara nga Page Six:
Kendall dhe Jacob kanë kaluar në një fazë të re të marrëdhënies së tyre dhe e kanë bërë atë zyrtare
Ndërsa thuhet se modelja “patjetër sheh një të ardhme” me aktorin.
Dyshja u përfol për herë të parë si çift në fillim të vitit, dhe që prej paraqitjes së tyre në Coachella, ku u panë duke u puthur në afterparty, raportet për romancë janë shtuar ndjeshëm.
Ndërkohë që asnjëri prej tyre nuk ka konfirmuar publikisht lidhjen, daljet e koordinuara dhe udhëtimet e përbashkëta vazhdojnë të mbajnë gjallë një nga thashethemet më të ndjekura të showbiz-it ndërkombëtar.
