Miqësia shumëvjeçare mes këngëtares Taylor Swift dhe aktores Blake Lively duket se po kalon një periudhë të vështirë, ndërsa raportet e fundit pretendojnë se aktorja mund të mos jetë në listën e të ftuarve në dasmën e shumëpërfolur të këngëtares me partnerin e saj, Travis Kelce.
Sipas raportimit të Daily Mail, të cituar nga disa media ndërkombëtare, Swift po tregohet shumë e kujdesshme në përzgjedhjen e personave që dëshiron pranë saj në ditën e dasmës. Burime pranë këngëtares kanë pretenduar se ajo dëshiron të jetë e rrethuar vetëm nga njerëzit që beson se do të mbeten pjesë e jetës së saj edhe në të ardhmen.
Taylor ka shqyrtuar me kujdes listën e të ftuarve, sepse dëshiron që pranë saj të jenë njerëzit që kanë pasur një rol të rëndësishëm në jetën e saj dhe që mund të ndajnë sinqerisht gëzimin e asaj dite
-ka deklaruar një burim për mediat.
Raportet sugjerojnë se marrëdhënia mes Swift dhe Lively është ftohur gjatë muajve të fundit, veçanërisht pas polemikave që lidhen me çështjet ligjore të aktores me regjisorin dhe aktorin Justin Baldoni. Mediat amerikane kanë raportuar se përfshirja indirekte e emrit të Swift në këtë çështje ka krijuar tensione mes dy yjeve.
Edhe pse as Swift dhe as Lively nuk kanë komentuar publikisht raportet, disa burime pretendojnë se aktorja ende shpreson për një pajtim dhe për një ftesë në ceremoni. Megjithatë, deri tani nuk ka asnjë konfirmim zyrtar nëse ajo do të jetë pjesë e dasmës.
Ndërkohë, spekulimet rreth ceremonisë së martesës së Taylor Swift dhe Travis Kelce vazhdojnë të dominojnë mediat, ndërsa çifti ka zgjedhur të ruajë privatësinë dhe të mos zbulojë detaje rreth organizimit të eventit.
