Sezoni 2025/26 i Ligës së Kampioneve përfundoi, një turne që pas modifikimit të formatit nga ana e UEFA rriti në mënyrë të konsiderueshme dhe shpërblimet financiare.
Në total, qeveria e futbollit evropian do të shpërndajë 400 milion euro më shumë në krahasim me formatin e vjetër dhe për disa klube bëhet fjalë për shpërblime të konsiderueshme
Fitorja e Ligës së Kampioneve që i takoi PSG-së, vlen plot 25 milion euro. Po kështu, skuadra që ngre trofeun me veshë të mëdhenj do të luajë në Superkupën Evropiane më 12 gusht, Kupën Interkontinentale dhe Botërorin e Klubeve 2029.
Përpara pak vitesh fitorja e Ligës së Kampioneve shpërblehej me 20 milion euro, tani me 25 milion. Skuadra që humbet finalen përfiton 18.5 milion euro.
Të ardhurat për çdo raund:
18,62 milion euro për pjesëmarrjen
2,1 milion euro për çdo fitore në fazën e Ligës
700 mijë euro për çdo barazim në fazën e Ligës
300 mijë-10 milionë euro në bazë të pozicionit në renditjen e fazës se Ligës
2 milion euro extra për t’u renditur në “Top 8”
1 milion euro për t’u pozicionuar nga vendi i 9-të te i 16-ti
1 milion euro për fitoret në playoff
11 milion euro për kualifikimin në 1/8 e finaleve
12,5 milion euro për kualifikimin në çerekfinale
15 milion euro për kalimin në gjysmëfinale
18,5 milion euro për kalimin në finale
6,5 milion euro për fitoren e finales
