Pasagjerët në një fluturim të kompanisë ajrore Avianca në Kolumbi përjetuan momente paniku në ajër, pasi avioni u detyrua të anulonte dy herë uljen në aeroportin malor Antonio Nariño, për shkak të kushteve të vështira atmosferike.
Pamjet e publikuara në rrjetet sociale tregojnë pasagjerë duke qarë, u lutur dhe mbajtur fort pas sediljeve, ndërsa avioni përballej me turbulenca të forta gjatë përpjekjes për t’u ulur. Disa prej udhëtarëve raportohet se pësuan kriza paniku, marramendje dhe humbën ndjenjat nga frika.
Avioni po tentonte të ulej në qytetin malor të Pastos, në rajonin e AnE madhee, kur u përball me erëra të forta, mjegull të dendur dhe shikueshmëri shumë të kufizuar. Për arsye sigurie, pilotët ndërprenë dy herë procedurën e uljes.
Sipas mediave lokale, ekuipazhi u kërkonte pasagjerëve të ruanin qetësinë dhe të merrnin frymë thellë, ndërsa avioni lëkundej fuqishëm nga turbulencat.
Pas tentativës së dytë të pasuksesshme, piloti vendosi të rikthehej në Bogota, duke ndjekur protokollet standarde të sigurisë ajrore.
Disa orë më vonë, pasi moti u përmirësua, fluturimi nisi ërish dhe arriti të ulej në mënyrë të sigurt në aeroportin Antonio Nariño, pa asnjë të lënduar.
Aeroporti Antonio Nariño konsiderohet një nga më sfiduesit në Kolumbi për shkak të pozicionit mes maleve të AnE madhee dhe ndryshimeve të shpejta të motit.
Në reagimin e saj, kompania Avianca theksoi se siguria e pasagjerëve mbetet prioritet absolut dhe se anulimi i uljeve është pjesë e procedurave normale kur kushtet nuk janë të sigurta.
