Stilistja dhe ish-anëtarja e Spice Girls, Victoria Beckham, ka bërë një rrëfim të sinqertë për betejën e saj të gjatë me pasiguritë personale, duke pranuar se për shumë vite ka jetuar me ndjesinë se “nuk ishte mjaftueshëm e mirë”.
Në një intervistë për “The Times”, Beckham foli hapur për mënyrën se si e ka parë veten ndër vite dhe si, me kalimin e kohës, ka arritur të fitojë më shumë vetëbesim dhe qetësi me veten.
Ajo tregoi se një pjesë e madhe e jetës së saj është shoqëruar nga kritika të brendshme dhe pakënaqësi me imazhin personal, pavarësisht suksesit në muzikë, modë dhe biznes.
Sipas saj, ndryshimi më i madh ka ardhur pas të 50-ave, kur ka filluar të mos i japë më aq shumë peshë mendimit të të tjerëve.
Victoria Beckham theksoi se mosha nuk duhet parë si kufizim, por si një fazë ku gratë mund të vazhdojnë të zhvillohen dhe të kujdesen për veten pa kompromis.
Nuk ke pse të dorëzohesh sepse je 50 vjeç
-u shpreh ajo, duke shtuar se ende stërvitet intensivisht dhe ndihet më e fortë fizikisht dhe mendërisht sesa në të 20-at apo 30-at e saj.
Sot, Beckham mbetet një nga figurat më të fuqishme në industrinë e modës dhe showbiz-it, duke e kthyer historinë e saj personale në një mesazh për vetëbesim dhe pranim të vetes.
