Penélope Cruz ka zbuluar një nga përvojat më të frikshme të jetës së saj, pasi mjekët e paralajmëruan për një aneurizëm të mundshëm në tru gjatë xhirimeve të filmit të ri “The Black Ball”.
Aktorja spanjolle rrëfeu momentin dramatik gjatë një konference për shtyp në Festivalin e Filmit në Kanë, vetëm pak pasi filmi mori duartrokitje të gjata në premierën e tij.
Sipas Cruz, gjithçka ndodhi teksa po përgatitej për disa skena nate ku personazhi i saj performon si këngëtare kabareje për ushtarët. Ajo tregoi se ishte duke vendosur paruken kur mori lajmin shqetësues nga ekipi mjekësor.
Mendova se do të vdisja
-u shpreh aktorja, duke e përshkruar situatën si një moment surreal dhe tepër emocional.
Fatmirësisht, pas ekzaminimeve të tjera, mjekët konfirmuan se nuk kishte rrezik të menjëhershëm dhe e lejuan të rikthehej në sheshxhirim vetëm një ditë më vonë.
Aktorja 52-vjeçare tha se kjo eksperiencë i ndryshoi mënyrën si e sheh jetën dhe e bëri të kuptojë sa e brishtë mund të jetë gjithçka.
Në fund, Cruz falënderoi ekipin e filmit për mbështetjen gjatë asaj periudhe të vështirë, ndërsa filmi “The Black Ball” pritet të dalë në Spanjë më 2 tetor dhe është në garë për çmimin prestigjioz Palme d’Or në Kanë.
