Karol G ishte një nga emrat që dominoi mbrëmjen e “American Music Awards 2026”, pasi u nderua me çmimin prestigjioz “International Artist Award of Excellence”, një vlerësim që nuk ishte dhënë që nga viti 2009, kur e fitoi legjendarja Whitney Houston.
Artistja kolumbiane emocionoi publikun me fjalimin e saj në skenë, ku foli për rrugëtimin personal dhe ndikimin që muzika ka pasur në jetën e saj.
Kam gjetur qëllimin tim përmes muzikës
-u shpreh ajo mes emocionesh, duke shtuar se këngët e saj janë bërë një vend sigurie dhe mbështetjeje për miliona njerëz në të gjithë botën.
Çmimi iu dorëzua nga John Legend, i cili pak më vonë zbuloi se Karol G kishte fituar edhe një tjetër trofe të rëndësishëm, atë për “Albumin më të Mirë Latin” me projektin “Tropicoqueta”.
Artistja reagoi me entuziazëm të madh, ndërsa publiku shpërtheu në duartrokitje gjatë performancës së saj me këngën “Ivonny Bonita”, pjesë e albumit fitues.
Organizatorët e eventit vlerësuan ndikimin global të Karol G në muzikë dhe kulturë, duke theksuar se ajo ka ndihmuar në ngritjen e muzikës latine në një nivel të ri ndërkombëtar.
Së fundmi, këngëtarja ka bërë histori edhe në Coachella, duke u bërë gruaja e parë latine që mban statusin e headliner-it në festivalin e famshëm amerikan.
