Zahara Jolie ka festuar një nga momentet më të rëndësishme të jetës së saj, pasi u diplomua në “Spelman College” gjatë ceremonisë së mbajtur në Atlanta.
21-vjeçarja, e adoptuar nga Angelina Jolie dhe më pas nga Brad Pitt në vitin 2005, u pa duke marrë diplomën mes duartrokitjeve të të pranishmëve.
Megjithatë, ajo që mori më shumë vëmendje ishte fakti se emri i saj u prezantua si “Zahara Marley Jolie” dhe jo “Jolie-Pitt”, duke nxitur menjëherë reagime në rrjet dhe spekulime për raportin e saj të ftohtë me të atin.
Sipas mediave të huaja, kjo është një tjetër shenjë e distancimit të Zahara-s nga Brad Pitt, pas raportimeve të shumta për marrëdhënien e tensionuar mes aktorit dhe disa prej fëmijëve të tij.
Në rrjetet sociale, fansat reaguan menjëherë ndaj videos së diplomimit, ndërsa shumë prej tyre u habitën se si koha ka kaluar kaq shpejt.
“U diplomua? Më duket sikur sapo nisi kolegjin”, shkruanin komentuesit në Reddit.
Zahara ka studiuar psikologji me një degë dytësore në studime edukimi dhe konsiderohet një nga studentet më aktive në komunitetin universitar.
Muajin e kaluar, ajo tërhoqi vëmendje edhe me një fjalim emocional për marrëdhënien me Angelina Jolie, ku e përshkroi nënën si “gruan më të dashur dhe më të kuptueshme”, pa përmendur në asnjë moment Brad Pitt.
Ndërkohë, raportet mes Jolie dhe Pitt vazhdojnë të mbeten të tensionuara edhe vite pas ndarjes së tyre, ndërsa disa prej fëmijëve të çiftit kanë hequr publikisht mbiemrin “Pitt” nga identiteti i tyre.
