Sara Hoxha ka ndarë një moment tepër emocional nga jeta e saj personale, duke treguar një nga bisedat më të vështira që ka pasur me vajzën e saj, Poem, pas ndarjes nga reperi Ledri Vula.
Në një intervistë së fundmi, Sara rrëfeu se vajza e tyre e kishte pyetur drejtpërdrejt pse ajo dhe Ledri nuk ishin më bashkë. Sipas saj, kjo ishte një nga pyetjet më të vështira që i është dashur të përballojë si nënë.
Një pyetje shumë e vështirë që Poi më bëri para pak kohësh ishte pse jam ndarë unë dhe Ledri
-tregoi ajo.
Sara shpjegoi se kishte vendosur të ishte sa më e sinqertë me vajzën, duke përdorur një gjuhë të thjeshtë dhe të kuptueshme për moshën e saj.
Ajo i kishte treguar Poem se marrëdhënia mes saj dhe Ledrit nuk po funksiononte më si më parë dhe se nuk po arrinin të merreshin vesh.
Por momenti që e preku më shumë ishte reagimi i vajzës, e cila e kishte pyetur më pas:
Po ju mund ta rregulloni?
Sipas Sarës, kjo pyetje ishte edhe më emocionuese, pasi e vendosi përballë një situate shumë delikate si prind. Ajo tha se i kishte shpjeguar vajzës se kishin provuar ta rregullonin marrëdhënien, por nuk kishte funksionuar dhe se ndarja ishte vendimi më i mirë për të gjithë familjen.
Në fund të intervistës, Sara theksoi rëndësinë e komunikimit të hapur me fëmijët në situata të tilla, duke u shprehur se sinqeriteti i ndihmon ata ta kuptojnë më lehtë realitetin dhe të mos mbeten me pasiguri emocionale.
