Vendet e Mesdheu ende konsumojnë shumë kripë dhe vetëm një në gjashtë persona përmbush limitet e rekomanduara nga Organizata Botërore e Shëndetësisë (OBSH), e barabartë me më pak se 5 gramë në ditë, shkruan repubblica.it.
Të dhënat e konsumit
Sipas anketës, në grupmoshën 35-74 vjeç, burrat konsumojnë mesatarisht 9.3 gramë kripë në ditë, ndërsa gratë konsumojnë 7.1 gramë, të dyja vlera shumë mbi limitin e rekomanduar nga OBSH.
Vetëm 11% e burrave dhe 24% e grave arrijnë të qëndrojnë brenda limitit të rekomanduar.
Megjithatë, një përmirësim i përgjithshëm është vërejtur gjatë dhjetë viteve të fundit ku konsumi mesatar i kripës në mesin e popullsisë së rritur u ul me afërsisht 12%, pjesërisht falë fushatave parandaluese të promovuara nga sektori i shëndetësisë.
Shumë kripë, shumë pak fruta (dhe drithëra): kjo rrit rrezikun e atakut në zemër dhe goditjes në tru.
Sëmundjet e lidhura me abuzimin me kripën
Ekspertët nga Instituti Kombëtar Italian na kujtojnë se zvogëlimi i konsumit të kripës është një masë themelore për parandalimin e hipertensionit dhe zvogëlimin e rrezikut të sëmundjeve kardiovaskulare.
Marrja e tepërt e kripës shoqërohet gjithashtu me një rrezik në rritje të zhvillimit të sëmundjeve të tjera, duke përfshirë disa forma të kancerit, sëmundjet e veshkave dhe osteoporozën.
Për këtë arsye, rekomandohen disa zakone të thjeshta ditore: preferenca e përdorimit të bimëve aromatike, erëzave, hudhrës dhe frutave agrume në vend të kripës për t’i dhënë shije ushqimeve.
