Cara Delevingne ka bërë hapin e saj të parë zyrtar në industrinë e muzikës, duke njoftuar publikimin e dy këngëve debutuese, “I Forgot” dhe “Out of My Head”.
Supermodelja dhe aktorja 33-vjeçare, e njohur për suksesin në pasarela dhe në Hollywood, duket se tashmë po nis një kapitull të ri si artiste solo, pas disa bashkëpunimeve muzikore që ka realizuar ndër vite me emra të njohur të industrisë.
Sipas raportimeve, dy projektet muzikore do të publikohen më 29 maj, ndërsa vetëm pak ditë më vonë ajo do të nisë edhe një turne me 11 koncerte në Evropë dhe Amerikën e Veriut.
Turneu do të hapet në Berlin më 1 qershor dhe do të vazhdojë në qytete të njohura si Barcelona, Paris, Los Angeles, Brooklyn dhe London, ku janë planifikuar dy performanca më 6 dhe 7 qershor.
Lajmi ka ngjallur menjëherë reagime të shumta në rrjetet sociale, me fansat që kanë shprehur entuziazëm për këtë kthesë të re në karrierën e saj dhe pritshmëri të larta për debutimin muzikor të Delevingne.
