04 Maj 2026, 12:45
Me dy golat e brazilianit Vinicius Junior në pjesën e dytë, Real Madridi mposhti Espanyolin me rezultat 2:0.
Ndeshja Espanyol – Real Madrid u zhvillua të dielën dhe i takoi xhiros së 34-t të La Ligas spanjolle.
Golin e parë Vinicius Junior e realizoi në minutën e 55-të me asistim të Gonzalo Garcias, kurse të dytin me asistim të Jude Bellinghamit në minutën e 66-të.
Reali pas 34 xhirove është i dyti me 77 pikë, derisa Espanyoli zë vendin e 13-të me 39 pikë. Në pozitën e parë është Barcelona me 88 pikë.
Titulli mund të vendoset fundjavën e ardhshme në “El Classico”. Derbi Barcelona – Real Madrid luhet më 10 maj në “Camp Nou”. Barcelonës i mjafton barazimi për ta fituar titullin.
