Presidenti amerikan Donald Trump ka ashpërsuar tonet ndaj Iranit. Së fundmi, përmes një postimi të publikuar në rrjetin e tij social “Truth Social”, ai i kërkon Teheranit të lëvizë shpejt drejt një marrëveshjeje për programin bërthamor.
Në mesazhin e tij, Trump përdori edhe një shprehje të drejtpërdrejtë “Mjaft me djem të mirë”, të shoqëruar me një imazh ku shfaqet duke mbajtur një armë ushtarake.
“Irani nuk po e gjen dot rrugën e vet. Ata nuk dinë si të nënshkruajnë një marrëveshje jo-bërthamore. Më mirë të vijnë shpejt në vete!”, shkroi ai, duke lënë të kuptohet edhe për pasoja të mundshme nëse nuk arrihet progres diplomatik.
Deklaratat e Trump vijnë në një periudhë tensionesh të vazhdueshme mes Shteteve të Bashkuara të Amerikës dhe Iranit, lidhur me programin bërthamor të Teheranit dhe negociatat e ngecura mes palëve.
