Mesfushori i talentuar Luis Hasa ka vendosur përfundimisht të përfaqësojë Kombëtaren e Shqipërisë në arenën ndërkombëtare, pasi ka marrë edhe miratimin zyrtar nga FIFA për ndryshimin e përfaqësimit.
22-vjeçari, i lindur dhe i rritur në Itali, konsiderohet një nga talentet premtuese në repartin e mesfushës. Ai është pjesë e klubit italian SSC Napoli, ndërsa aktualisht aktivizohet në formë huazimi te Carrarese Calcio 1908 në Serie B.
Gjatë këtij sezoni, Hasa ka pasur paraqitje të rregullta me Carrarese, duke regjistruar rreth 25 ndeshje dhe 5 gola, çka tregon formën e tij në rritje dhe potencialin për të qenë një vlerë e shtuar për kuqezinjtë.
Vendimi i tij për të veshur fanellën e Shqipërisë vjen pas një periudhe reflektimi mbi të ardhmen ndërkombëtare, ndërsa drita jeshile nga FIFA i hap rrugën debutimit të tij në ndeshjet zyrtare me Kombëtaren.
Ky zhvillim shihet si një përforcim i rëndësishëm për Shqipërinë, duke shtuar një element cilësor në mesin e lojtarëve të rinj që pritet të jenë pjesë e projektit afatgjatë të ekipit kombëtar.(INA)
