Aktorja e njohur Anya Taylor-Joy dhe bashkëshorti i saj Malcolm McRae rrallë shfaqen së bashku në publik, por këtë herë bënë një përjashtim. Çifti mori pjesë në darkën gala të organizuar nga Dior dhe revista “W Magazine” para ndarjes së çmimeve Academy Awards, e cila u mbajt në restorantin e njohur Mr. Chow.
Për këtë event, aktorja zgjodhi një fustan të bardhë të thurur me dekolte të thellë dhe rripa që binin anash. Ajo e kombinoi veshjen me një xhaketë të zezë dhe sandale të bardha me rripa nga Aquazzura. Flokët i kishte lidhur në një topuz të lartë, ndërsa pamjen e plotësoi me vathë elegantë argjendi nga Tiffany & Co..
Ndërkohë, Malcolm McRae u shfaq me një kostum klasik të zi dhe këmishë të bardhë.
Megjithatë, ajo që tërhoqi më shumë vëmendje ishte fiziku i aktores. Beli shumë i hollë, faqet e theksuara dhe mollëzat e larta rikthyen sërish debatin rreth standarE madhee të bukurisë në Hollywood, të cilat shpesh lidhen me dobësim ekstrem.
Në rrjetet sociale, reagimet ishin të ndara. Disa fansa e vlerësuan elegancën dhe hijeshinë e saj, ndërsa të tjerë u shprehën të shqetësuar, duke komentuar se ajo dukej “shumë e dobët” apo madje “e pashëndetshme”.
Pavarësisht komenteve, Anya dukej plot vetëbesim gjatë eventit. Në një moment të kapur nga fotografët, McRae e përqafoi me butësi bashkëshorten e tij, një gjest i rrallë për çiftin që zakonisht preferon ta mbajë jetën private larg vëmendjes së publikut.
Dyshja janë bashkë që nga fillimi i vitit 2021 dhe u martuan në fshehtësi në pranverën e vitit 2022. Aktorja e zbuloi lajmin vetëm në përvjetorin e martesës, kur ndau në Instagram disa detaje nga ceremonia e tyre sekrete.
