Ashton Kutcher, 47 vjeç, ka folur me sinqeritet për ndikimin që pamja e tij fizike ka pasur në rrugëtimin profesional, duke pranuar se bukuria shpesh ka qenë më shumë pengesë sesa përparësi në Hollywood.
Gjatë promovimit të serialit të tij të ri “The Beauty” në New York Comic Con, aktori i njohur tha se fiziku i tij tërheqës ka ndikuar në mënyrën se si është përzgjedhur për role.
Ka role që i kam marrë për shkak të mënyrës si dukem, por edhe shumë të tjera që nuk i kam marrë për të njëjtën arsye
-u shpreh ylli i filmit “Dude, Where’s My Car?”.
Ndonjëherë kjo mund të duket si një luks, por për mua ka qenë burim frustrimi.
Kutcher shtoi se industria e filmit është thellësisht vizuale dhe se pamja ndikon në mënyrën si perceptohet një aktor.
Kur përpiqesh të tregosh një histori përmes imazheve, mënyra si dukesh bëhet pjesë e rrëfimit. Nuk mund ta shmangësh këtë
-tha ai.
Në serialin “The Beauty”, bazuar në librat komikë të Jeremy Haun dhe Jason A. Hurley, Kutcher luan rolin e një miliarderi të teknologjisë në një botë ku përsosmëria fizike është e arritshme, por me pasoja të errëta.
Aktori e përshkroi këtë rol si një nga përvojat më të pasura dhe reflektuese të karrierës së tij.
