Tragjedi në Danub, një i vdekur dhe tre të zhdukur pas përmbysjes së një varke pranë kufirit serbo-kroat

Një varkë u përmbys të dielën vonë në lumin Danub, pranë qytetit Bačka Palanka, në kufirin midis Serbisë dhe Kroacisë.

Sipas raportimeve nga televizioni publik serb (RTS), në bord ndodheshin një pilot serb dhe dhjetë shtetas kinezë.

Burime jozyrtare konfirmojnë se një trup i pajetë është nxjerrë nga ujërat e ftohta të Danubit, ndërsa vijojnë kërkimet për tre persona të tjerë që konsiderohen të zhdukur.

Në operacionin e shpëtimit janë angazhuar ekipe të specializuara nga të dyja vendet fqinje, Serbia dhe Kroacia.