Në vend të një nxitje për sport, terren pjellor për korrupsion të mundshëm. Struktura qeverisëse, me gjithë vërejtjet dhe komentet negative, vendosi sistemin e kuponëve për financimin e sportit. Zoran Zaev, kryeministri i asaj kohe, mburrej me njoftime pompoze se sporti në Maqedoni do të ringjallet me shuma të reja milionëshe, shkruan PRESSonline.al
6 milionë euro të reja në sportin maqedonas që do të rriten në të ardhmen, krahas mbështetjes financiare ekzistuese që ARS-ja u jep federatave”, tha Zaev më 17.10.2018.
Çdo vit nga thesari i shtetit ndaheshin disa milionë për të ndihmuar sportin. Paratë synonin të ndihmonin federatat, klubet dhe sportistët dhe ata do të merrnin gjithashtu një lehtësim tatimor prej 50 për qind.
“10 milionë euro shtesë përmes sistemit të kuponëve arrijnë deri te përdoruesit përfundimtarë, federatat kombëtare sportive, klubet dhe sportistët individualë nga sportet olimpike dhe joolimpike për të krijuar kushte cilësore për arritje të larta në sportet klubore dhe individuale”, theksoi kryeministri i atëhershëm i Qeverisë Teknike, Oliver Spasovski më 13.02.2020, informon PRESSonline.al
Ndonëse Qeveria asokohe siguronte se procedurat do të ishin të thjeshta, edhe në momentin e futjes së zgjidhjes së re ligjore, pati shumë kundërshtime.
Shumica e federatave si dhe sportistë e analistë prej shumë kohësh janë shprehur të pakënaqur për sistemin e kuponëve, duke e konsideruar atë më kufizues dhe më të keq se tatimi mbi fitimin që u hoq në fund të vitit 2018 dhe ishte në funksion në periudhën 2016/17. . Agjencia për Rini dhe Sport nuk e ndanë këtë mendim.
Sistemi i kuponëve u hoq vitin e kaluar në shtator, pra u zëvendësua – shteti filloi t’ua paguante paratë drejtpërdrejt subjekteve sportive.
“Një shumë prej 10 milionë euro fantastike do të shkojnë si mbështetje direkte financiare për sportistët, klubet sportive dhe federatat sportive. Në bashkëpunim me Ministrinë e Drejtësisë, modifikuam modelin e mëparshëm të njohur si sistemi i kuponëve dhe arritëm subvencionim të drejtpërdrejtë shtetëror”, tha drejtori Mojsoski më 1 mars 2024.
Edhe gjatë prezantimit të tij në fund të vitit 2018, ai u shpall si sistem pikërisht për mbrojtjen nga keqpërdorimet financiare. Por tani, me iniciativën e Komisionit të mëparshëm Kundër Korrupsionit, prokuroria ka hapur një rast në të cilin drejtori i mëparshëm Darko Kaevski,ai aktual Naumçe Mojsoski, drejtori i KOM-it, Daniel Dimevski dhe nëntë të tjerë të akuzuar nga Prokuroria për shpërdorim të pozitës dhe punë të pakujdesshme. Ata hodhën poshtë akuzat dhe i quajtën tendencioze veprimet e prokurorëve.(PRESSonline.al)
